Kjo Politikë e Kthimit dhe Rimbursimit shpjegon si funksionojnë kthimet, ndërrimet dhe rimbursimet për porositë e bëra në Një Libër e Një Bisedë Shop. Duke bërë një porosi në faqen tonë, ti pranon kushtet e mëposhtme.

1. E Drejta e Kthimit

Ke të drejtë të kërkosh kthimin e një produkti brenda 14 ditëve kalendarike nga marrja e tij, në përputhje me rregullat për blerjet online.

Afati llogaritet nga dita kur produkti mbërrin fizikisht te ti (ose te personi që e ka pranuar në emrin tënd), jo nga dita e porosisë.

2. Kushtet për Pranimin e Kthimit

Për t’u pranuar, produkti duhet të jetë:

• I papërdorur;
• I padëmtuar;
• Në gjendjen dhe paketimin origjinal, me çdo etiketë ose aksesor që ka ardhur bashkë me të.

Produktet e punuara me dorë ose me detaje artizanale mund të kenë ndryshime të vogla nga njëra copë te tjetra, kjo nuk konsiderohet defekt dhe nuk përbën arsye kthimi.

3. Produkte që Nuk Kthehen

Nuk pranohen kthime për:

• Produktet e personalizuara ose të bëra posaçërisht sipas kërkesës së klientit;
• Kartat dhuratë digjitale, pasi janë lëshuar.

Përjashtim bëjnë rastet kur produkti ka ardhur i dëmtuar, i gabuar, ose ka pasur një problem teknik nga ana jonë; në këto raste zbatohet seksioni 6 më poshtë.

4. Si të Kërkosh një Kthim

Për të filluar një kthim:

1. Na kontakto në kontakt@njeliberenjebisedeshop.al brenda 14 ditëve nga marrja e produktit;
2. Na jep numrin e porosisë dhe arsyen e kthimit;
3. Prit konfirmimin tonë përpara se ta dërgosh produktin mbrapsht. Kjo na ndihmon të sigurohemi që kthimi të përpunohet shpejt dhe saktë.

5. Kostot e Transportit për Kthim

Kostot e dërgesës për kthimin e produktit mbulohen nga klienti, përveç rasteve kur produkti ka ardhur i dëmtuar ose i gabuar. Në ato raste kostot i mbulojmë ne.

Rekomandojmë përdorimin e të njëjtit korrier me të cilin ne dërgojmë porositë, pasi ofron gjurmim (tracking) dhe e bën më të lehtë verifikimin e dërgesës. Ne nuk mbajmë përgjegjësi për produkte të humbura gjatë dërgimit mbrapsht nëse përdoret një shërbim tjetër pa gjurmim.

6. Produkte të Dëmtuara ose të Gabuara

Nëse merr një produkt të dëmtuar ose të gabuar, na kontakto sa më shpejt të jetë e mundur me numrin e porosisë dhe fotografi të produktit.

Do të bëjmë çmos për ta zgjidhur situatën me një nga këto opsione: ndërrim me produktin e saktë, rimbursim i plotë, ose zgjidhje tjetër e përshtatshme, sipas rastit.

7. Rimbursimi

• Për porositë e paguara me kartë krediti/debiti, rimbursimi kryhet automatikisht në të njëjtën kartë të përdorur për pagesën, përmes POK.
• Për porositë e paguara në dorëzim, rimbursimi kryhet nëpërmjet korrierit që ka dorëzuar porosinë.

Rimbursimi zakonisht përpunohet brenda 14 ditëve nga konfirmimi i pranimit të kthimit, ndonëse koha për t’u shfaqur në llogarinë/kartën tënde varet edhe nga banka apo institucioni financiar përkatës.

8. Ndërrimet

Nëse dëshiron një produkt tjetër në vend të atij që ke porositur (p.sh. madhësi ose ngjyrë tjetër, kur aplikohet), na kontakto në kontakt@njeliberenjebisedeshop.al. Ndërrimet trajtohen si kthim i produktit fillestar plus një porosi e re, sipas disponueshmërisë në stok.

9. Kontakt

Për çdo pyetje rreth kthimeve, ndërrimeve ose rimbursimeve, na shkruaj në: kontakt@njeliberenjebisedeshop.al.

Përditësimi i fundit: 03/08/2026